రిజర్వేషన్స్ అనేది నిజంగానే చాలా సింపుల్.
నిజానికి 'రిజర్వేషన్' అనే పేరుతో గాకపోయినా ఈ రిజర్వేషన్ లు అన్ని దేశాల్లోనూ రకరకాల రూపాల్లో ఉంటాయి.
ఉదాహరణకి అమెరికాలో ' ఫస్ట్ జెనరేషన్ కాలేజ్ స్టూడెంట్ ' అనే కేటగిరీ ఉంది. ముందు తరంలో ఎవరూ గ్రాడ్యుయేట్ కాకపోతే వాడికి ఈజీగా సీట్ ఇస్తారు, స్కాలర్ షిప్ ఇస్తారు. సపోర్ట్ చేసినందుకు ఆ కాలేజ్ కి రకరకాల ప్రయివేట్ సంస్థలూ, ప్రభుత్వ సంస్థలూ నిధులు సమకూర్చుతారు. ఇది 'తరం' కి సంబంధించింది. వర్గానికో, వర్ణానికో, జాతికో సంబంధించినది కాదు. అదే తరానికి చెందిన అందరు తోబుట్టువులకీ వర్తిస్తుంది.
దీన్నే మన దేశానికి తగినట్టుగా 'కుటుంబంలో తొలి తరం ఇంజనీర్ ' , ' కుటుంబంలో తొలి తరం డాక్టర్ ', ' కుటుంబంలో తొలి తరం సివిల్ సర్వెంట్' , ' కుటుంబంలో తొలి తరం ప్రజా ప్రతినిధి ' అనే రిజర్వేషన్లు ప్రవేశ పెట్టొచ్చు. కులం సంగతి ఎక్కడా ప్రస్తావించాల్సిన అవసరం లేదు. ఈ రిజర్వేషన్ అందుకునే వారిలో ఎలాగూ యాభై శాతానికి పైగా ఎస్సీ, ఎస్టీ , బి సి లు ఉంటారు. కానీ ఆ కేటగిరీలో వచ్చినందుకు తక్కువగా ఫీల్ కావాల్సిన అవసరం లేదు. ఇంకా గర్వంగా ఉంటుంది. కుటుంబంలో తొలితరం హీరోగా.
దీనివల్ల ఆటోమేటిక్ గా - అతి దీనంగా బతికే తక్కువ శాతం ఓసీలకి కూడా చోటు దొరకడమే కాకుండా అతి విలాసంగా బతుకుతూ రిజర్వేషన్ లకి ఎగబడే తక్కువ శాతం ఎస్సీ, ఎస్టీ లు కూడా ఎలిమినేట్ అయిపోతారు.
వెరిఫై చెయ్యడం చాలా తేలిక, అవసరమైన వాళ్ళకే దక్కుతుంది, అనవసరమైన వాళ్ళని ఆపెయ్యడం తేలిక, కులం అనే ప్రసక్తే ఎక్కడా ఉండదు. కులం పేరిట జనాన్ని విభజిస్తూనే కులాన్ని రూపుమాపాలనే ద్వంద ప్రమాణాల్ని సమాజంనుంచి పారద్రోలవచ్చు.
***
