నెపోటిజం, కంపార్ట్మెంట్ మెంటాలిటీ

 నెపోటిజం , కంపార్ట్మెంట్ మెంటాలిటీ ఈ పదాలు జనాలకి పెద్దగా తెలిసి ఉండకపోవచ్చు. కానీ మన లైఫ్ లో ఎదో ఒక దశ లో మనకి తెలీకుండానే వీటికి బాదితులం అవుతూనే ఉంటాం. అయినా వీటి గురించి మన పెద్దగా పట్టించుకోము.

నెపోటిజం అంటే అర్హత కల్గిన వారికి దక్కాల్సిన దానిని బంధువులకి రక్త సంబధీకులకి అట్టి పెట్టేసి ఇచ్చేయడం, అర్హతకలిగినా వాడికి మొండి చెయ్యి చూపడమే నెపోటిజం.

ఇకబోతే కంపార్ట్మెంట్ మెంటాలిటీ. దీనిని ఒక కథలా చెప్పుకుందాం. ఒక ట్రైన్ వైజాగ్ నుండి హైదరాబాద్ బయలుదేరింది అనుకుందాం. అనకాపల్లి, తుని, రాజమండ్రి, ఏలూరు దాటి విజయవాడ వచ్చేసరికి జనరల్ కంపార్ట్మెంట్ అంత ఎక్కడ చూసినా జనమే బాత్రూం లలో డోర్ దగ్గర ఇలా కనీసం కాలు కూడా పెట్టలేనంత రష్ గా తయారయింది.

విజయవాడ వచ్చేసరికి నీ బోటి నా బోటి పెద్ద మనిషి ఆదరాబాదరా ప్లాట్ఫారం మీదకి చేరుకొని జనరల్ కంపార్ట్మెంట్ డోర్ దగ్గర నిలబడి ఆల్రెడీ ట్రైన్ లో ఉన్నోరు "ప్లేస్ లేదయ్యా" "ఎక్కడ ఎక్కుతావ్" "కాళ్ళు పెట్టుకోవడానికి కూడా స్థలం లేదు" "ఎక్కడ నెత్తి మీద ఎక్కుతావా" అంటూ రకరకాల మాటలు అంటున్న వారిని బతిమాలి చివరికి ఒక కాలి మీద ఫుట్ బోర్డు మీద నుంచొని అయినా సరే ట్రైన్ ఎక్కి హమ్మయ్య అని ఊపిరి పీల్చుకుంటావ్. ట్రైన్ బయలుదేరిన కాసేపటికి జనాలు అటు ఇటు సర్దుకొనేసరికి ఆ పెద్ద మనిషి కి కాస్త రెండు కాళ్ళు పెట్టుకొని సౌకర్యవంతంగా నిల్చునే స్థలం దొరికేసింది. ప్రయాణం స్టార్ట్ అయింది.

ఈసారి ట్రైన్ గుంటూరు చేరింది ఈలోపే ఇంకో పెద్ద మనిషి అదే ట్రైన్ ఎక్కబోతాడు ఈసారి అందరి కంటే ముందు ఆ పెద్ద మనిషి ని అడ్డుకునేది కంపార్ట్మెంట్ లో ప్లేస్ లేదు అని అడ్డం పడేది ఇంతకుముందు బెజవాడ లో ఆపసోపాలు పడి బతిమాలి బామాలి ఆ కంపార్ట్మెంట్ లో ఎక్కినా వ్యక్తే. అరగంట క్రితం తాను ఏ పోసిషన్ లో ఉన్నాడో అనే విషయాన్నీ మర్చిపోయి తనలాగే ఉన్న ఇంకో వ్యక్తి కి అడ్డం పడతాడు. అదే కంపార్ట్మెంట్ మెంటాలిటీ.

మనలో చాలామంది మనకి తెలీకుండానే దీనికి బాధితులు అవ్వడమే లేక మనమే కారకులు అవ్వడమే చేస్తూ ఉంటాం. ఇది ఒక సైకలాజికల్ ఇష్యూ. . ప్రయాణం చేసే చోట పని చేసే ఆఫీస్ లో సినిమా ఇండస్ట్రీ లో వ్యాపారం లో రాజకీయాల్లో ఇలా ఇది ప్రతి చోట ఉంటుంది. సినిమా ఇండస్ట్రీ లో ఇది మరి ఎక్కువ.

ముప్పై ఏళ్ల క్రితం ఒక్క ఛాన్స్ అంటూ డైరెక్టర్ లు ప్రొడ్యూసర్ లా కార్ల వెనకాల పరిగెత్తి వాళ్ళ చేత అడ్డమైన తిట్లు తిని చోట మోట క్యారెక్టర్ లు సంపాదించి ఎండలో ఎండి ఒక్కో మెట్టు ఎక్కి ఇవాళ "మెగా" స్టార్ లు అయినా వారు కూడా కంపార్ట్మెంట్ మెంటాలిటీ బాధితులే. అలా ఎదిగిన వారే కొత్తవారికి , వర్ధమాన నటులకి అడ్డు గోడలు గా తయారవుతారు. అలా తయారయ్యి ఒక ఉదయ్ కిరణ్, ఒక సుశాంత్ సింగ్ రాజపుట్ లాంటి వారి ఆత్మహత్యలకి కారకులు అవుతారు.

ఇలాంటి కంపార్ట్మెంట్ మెంటాలిటీ ని ఎక్కడున్నా కూడా ఉపేక్షించకూడదు. అది కంటికి కనిపించని చాల పెద్ద సైకలాజికల్ డిసార్డర్. (సశేషం)